12 ores: Concentracion generau en Ajuntament de Vielha
Pendent es darrèri ans auem viscut un autentic desvelhar de milions de hemnes en tot mobilizar-se massivament contra un sistèma prigondament masclista, qu'exercís era violéncia e era explotacion d’ua forma mès que mès crusèla contra nosates.
En aguesta luta, es joenes, es trabalhadores, auem combatut es politiques que mos impausen es govèrns capitalistes, que destaque entre eth deth PP per dret pròpri. Eri son qui an aprovat ua reforma educativa franquista que da privilègis ara glèisa damb milèrs de milions d’èuros, entà que seguisquen disseminant es sòns messatges sexistes, homòfobs e contra eth dret ar avortament. Ei era dreta qui retalhe es servicis sociaus que carguen dessús es nòstes espatles, en tot condemnar-mos ara esclavitud domestica, era quau mos trè des nòstes cases e enriquissen as empresaris en tot impausar-mos salaris miserables e condicions discriminatòries ath lòc de trabalh.
Mès ath delà, eth govèrn de Rajoy a autrejat ua grana impunitat as maltractadors: en 2016 se realizèren 142.893 denóncies per violéncia masclista mès sonque 2 de cada 10 acabèren condemnades. E deuant cada naua victima auem d’escotar eth madeish discors de tostemp. Es representants deth PP meten gèst seriós, sauven menutes de silenci e se lamenten: Per qué non auie denonciat? Per qué non auie denonciat? Desprenut se reivindiquen defensors dera igualtat, e tanben feministes! Coma proclamen bères ues des sues dirigentes… Non se pòt èster mès ipocrita. Eri e eres son es prumèrs responsables d’aguesta situacion!
Era violéncia contra es hemnes ei institucionau e ei emparada pes tribunaus de justícia. Es casi de Juana Rivas o dera joena victima dera Manada ac demòstren de forma clara. Non se tracte de decisions individuaus de jutges e jutgesses sexistes. Parlam de tot un sistèma e un entramat que mos alarme damb fòrça e mos lance un messatge a totes: Tietz compde! Se denonciatz era realitat que viuetz, eth mautractament, ua violacion, er assetjament o quina auta forma que sigue de violéncia, auratz de passar un calvari e seratz qüestionades en toti es aspèctes dera vòsta vida. Eth jutjament serà contra vosati e dilhèu non sonque a un tribunau mès tanben en platòs de television!
Eth 8 de Març: Vaga Generau d'estudiants contra era violéncia masclista!
Des de Liures e Combatives e eth Sindicat d’Estudiants comprén qu'ei de besonh hèr a veir tota era nòsta indignacion de manèra organizada e contundenta. Per açò participaram actiuament era vaga contra era violacion que s’a convocat entath pròplèu 8 de Març a nivèu internacionau. Concrètament hèm ua crida a totes es estudiantes gojates e gojats que mos dan supòrt, e tanben as nòsti companhs de classe, ara vaga generau d’estudiants, a vuedar es aules de toti es instituts e universitats e a aumplir es carrèrs, en tot participar enes concentracions e manifestacions unitàries que se celebraràn aguest dia en milèrs de ciutats e parçans der estat Espanhòu e de tot eth mon.
Sabem qu’era manèra d’acabar damb era nòsta opression ei damb era organizacion collectiva e era mobilizacion enes carrèrs. Auem demostrat era fòrça qu'auem quan mos metem en marcha: enes manifestacions massives enes Estats Units contra Donald Trump, damb eth movement #NiUnaMenos en America Latina, en Polònia peth dret ar avortament, deuant deth movement contra es desnonaments o coma es Kellys e es Espartanes de Coca-cola que defenen ues condicions de trebalh digne. Eth 8 de Març deth 2017 siguérem milions en carrèr de tot eth mon en tot lheuar un crit ensordidor contra era violéncia masclista e era opression capitalista e enguan ac serà encara mès.
Per açò vos convidam a organizar-vos damb nosati a Liures e Combatives, entà bastir ua societat igualitària anticapitalista e revolucionària, e júnher es fòrces de totes es que patim era opression e era violéncia deth sistèma en ua madeisha luta entà transformar era societat.
VUEDAR ES AULES, AUMPLIR ES CARRÈRS!
12 ores: Concentracion generau en Ajuntament de Vielha
Junh-te a Liures e Combatives, e bastís damb nosates eth feminisme anticapitalista e revolucionari en institut, pòble e país!
• Ja n’i a pro de justícia masclista! Demanam càstig exemplar as responsables de totes es violacions e agressions fisiques e psicologiques a hemnes...
• Increment dràstic des ajudes economiques e de cases refugi entà hemnes victimes dera violéncia masclista.
• Ja n’i a pro de messatges masclistes e omofòbs. Retirada immediata dera LOMCE.
• Dret ar avortament liure, gratuït e segur. Accés ara educacion sexuau liure e servicis de planificacion familiar publics e de qualitat en toti es instituts der estat.
• Hèr dehòra era reforma laborau. Salaris dignes entara hemna trabalhadora. Sancions exemplars contra es enterpreses que se nèguen a contractar-mos o que mos hèn dehòra deth trebalh per èster embarassades, complir damb es estandards estetics, eca.
• Fin des negòcis multimilionaris que trafiquen damb eth nòste còs! Contra era prostitucion, eth trafic de hemnes e es vrentes de loguèr. Eth nòste còs non se hè a véner! Dehòra eth canon de beresa que mos impausen es granes multinacionaus qu'alimenten prejudicis e traumes, e encoratge era violéncia contra es hemnes.
Descarrega el nostre periòdic
